Жаңаарқа бөлімшесі

Жезқазған индустриалдық-гуманитарлық колледжі Жаңаарқа ауданы Атасу кентіндегі бөлімшесінің  жұмысы жайлы ақпарат

Жезқазған индустриалдық-гуманитарлық колледжі Жаңаарқа ауданы Атасу кентіндегі бөлімшесі 2014 жылдың 1 қыркүйегінде ашылды. Бөлімшенің Атасу кенті, К.Абжанов к. 6/1 мекенжайы бойынша орналасқан.

          Қазіргі уақытта бөлімшеде барлығы 157 білім алушы бар, оның ішінде 63 білім алушы мемлекеттік тапсырыс бойынша оқыса, 94-і ақылы негізде оқиды (Негізгі орта білім (9-сынып) базасында 138 білім алушы, жалпы орта білім (11-сынып) базасында 14 білім алушы, Техникалық және кәсіптік білім базасында 5 білім алушы).

       Бөлімшеде 1203000 «Теміржол көлігінде тасымалды ұйымдастыру және қозғалысты басқару», 1108000 «Теміржол жылжымалы құрамдарын пайдалану, жөндеу және техникалық қызмет көрсету», 1306000 «Радиоэлекторника және байланыс», 0601000 «Стандарттау, метрология және сертификаттау», 0902000 «Электрмен қамтамасыздандыру», 0105000 «Бастауыш білім беру», 1304000 «Есептеу техникасы және бағдарламалық қамтамасыздандыру», 1302000 «Автоматтандыру және басқару» мамандықтары бойынша мамандар даярлайды.

Бүгінгі күні колледждің Жаңаарқа ауданы Атасу кентіндегі бөлімшесінде 13 оқытушы (2-уі бала күтіміне байланысты декреттік демалыста: Н.Саккулакова, З.Сламқожа), оның ішінде жоғары санатты 2 оқытушы (16 %), І санатты 2 оқытушы (16 % ), ІІ санатты  3 оқытушы (24% ), 6 санаты жоқ (44 %; сондай-ақ ғылым магистрі – 2 оқытушы (15%) жұмыс істейді. Қосымша жұмыста – 2 оқытушы: Е.Салжанов, М.Мажикенова, техникалық қызметкерлер саны – 3.

Оқу әдістемелік жұмыстар.

Оқу үрдісін қажетті оқу-әдістемелік құжаттамамен қамтамасыз ету мақсатында келесі құжаттар әзірленіп, бекітуге ұсынылды:

  • Оқу үрдісінің кестесі;
  • Сабақ кестесі ;
  • Жақсарту жөніндегі жұмыстар мен іс-шаралар жоспары;
  • Жақсарту жөніндегі жоспар;
  • Кіші педагогикалық кеңес жұмысын жақсарту бойынша іс-шаралар жоспары;
  • Оқу-әдістемелік әдебиеттерді шығару жоспары;
  • Оқытушылардың жеке жоспарлары;
  • Педагогикалық жүктеме;
  • Қоңыраулар кестесі;
  • Колледж бөлімшесі кураторларының тізімі;
  • Топ старосталарының тізімі;
  • Колледж бөлімшесіндегі тәрбие жұмысы бойынша жоспар;
  • Топ жетекшісінің тәрбие жұмысы бойынша жоспары;
  • Топ тізімі;
  • Оқытушылардың кезекшілік кестесі.

Жезқазған индустриалдық-гуманитарлық колледжі Жаңаарқа ауданы Атасу кентіндегі бөлімшесінде оқу-тәрбие жұмысының және оны оқу жылындағы жақсартудың негізгі міндеті:

  • білім берудің сапасы аумағындағы саясат пен мақсаттарды жүзеге асыру;
  • білім беру мазмұнын жетілдіру, мемлекеттік жалпы білім беру стандарты талаптарының орындалуын қамтамасыз ететін педагогикалық технологияларды жаңартып тұру;
  • оқу-тәрбие жұмысын тиімді басқару;
  • оқытудың ақпараттық – коммуникациялық технологияларын, жаңашыл педагогтардың жұмысын тәжірибеге енгізу;
  • модульдік-құзыреттілік тәсілдеме және дуалдық оқыту жүйесі бойынша оқу-әдістемелік құжаттаманы әзірлеуде отандық және шетелдік озық тәжірибелерді қолдану;
  • білім алушылардың кәсіби және тұлғалық өсуіне жағдай жасау;
  • оқу-әдістемелік кешенін қамтамасыз ету және студенттердің білім сапасын бақылауды жүзеге асыру;
  • педагогикалық қызметкерлердің кәсіби шеберліктерін арттыруды қамтамасыз ету;
  • ҚР патриотын, еңбек нарығында бәсекеге қабілетті маманды, жоғары рухани-адамгершілік қасиеттерге ие болу және сенімді, креативті жастарды тәрбиелеу.

2017-2018 оқу жылынан бастап колледж «Кәсіпқор холдингі» КеАҚ әзерленген модульдік-құзыреттілік тәсілдеме негізіндегі өзектендірілген үлгілік оқу бағдарламалары мен жоспарлары бойынша құрастырылған оқу бағдарламалары бойынша екі деңгейлі оқытуды жүзеге асыруда.

Жұмыс оқу бағдарламаларын және күнтізбелік-тақырыптық жоспарлардың (келешектік-тақырыптық жоспарлар) талапқа сай құрылуы, сабақтың сапасын бақылау оқытушылардың өз біліктілігін жетілдіру дағдыларын дамыту, оқытушылардың педагогикалық шеберліктерін жетілдіру дағдыларын дамыту, пәнді меңгеруде тұлғаның дамуы, колледж студенттерінің жалпы біліктілік пен дағдысын, жігер мен ынтасын қалыптастыру, студенттер мен оқытушылардың іс-шараларға белсене қатысуы. Пәнді меңгеруде тұлғаның дамуы, студенттердің жалпы кәсіби біліктілігі мен дағдыларын қалып-тастыру, қызығушылық танымын арттыру, Модульдік-құзыреттілік тәсілдеме бойынша кәсіби модульдің білім алушылардың өз бетінше білім алуына оқу-әдістемелік көмек жасау, өз мамандықтарына қатысты пәнді меңгеруде тұлғаның дамуы, студенттердің жалпы біліктілік пен дағдысын қалыптастыру, қызығушылық танымын арттыру, сабақта озық технологиялардың табысты пайдалану, білім алушылардың деңгейлерін анықтау, үлгере алмаушылармен жұмыс жасау, Мемлекеттік стандарт талаптарының сақталуы – біздің негізгі бағыттарымыз.

Тәрбие жұмысы. Тәрбие жұмысын ұйымдастыру және жоспарлау Қазақстан Республикасының «Білім туралы», «Тіл туралы», «Жастар саясаты туралы» Заңдары, колледж Жарғысы, Қазақстан Республикасының Үздіксіз білім беру жүйесіндегі тәрбие Тұжырымдамасы (26 қараша 2014 жылғы), басшылық өкімдері негізінде жүзеге асады. Тәрбие ісі кешенді бағдарлама негізінде жүргізіледі. Тәрбие жұмысының жоспары жасалып, бекітуге ұсынылды. Онда тәрбие жұмысының негізгі бағыттары мен мақсаттары нақты қойылған. «Жігер» студент жастар ұйымы құрылып, бекітілген  жоспары бойынша іс-шаралар атқарылады. 2018-2019 оқу жылында кәсіптік-техникалық  білім беруді насихаттау барысында «Инновациялық Жаңаарқа 2019» көпсалалы кәсіби байқауды ұйымдастыру жоспарлануда.

Аудан, облыс, республика көлемінде жоспардан тыс өтілетін байқаулар мен қоғамдық іс шараларға қатысу әр топ жетекшілеріне міндеттеледі. Атаулы күндер мен тәрбие жоспарына сәйкес іс шаралардың уақытылы орындалуы колледж әкімшілігімен қадағаланып отырады.

Өндірістік тәжірибе. Жұмыс оқу бағдарламасына сәйкес әр мамандықтар бойынша өндірістік тәжірибеден өту үшін, кәсіпорын және колледж арасындағы жасалған келісім шарт бойынша білім алушылар бекітілген кестемен өндірістік тәжірибеден өтуде. Білім алушылардың уақытылы және сапалы өндірістік тәжірибеден өтуі үшін барлық жағдайлар жасалып, арнайы пәндер оқытушылары үнемі қадағалап отырады. Кәсіпорын мамандары арнайы жасақталған тех. кабинеттерде дәріс беріп, іс жүзінде жұмыстың мәнісімен таныстырып, еңбек жолына баулуда. Біздің әлеуметтік серіктестеріміз:

  • Жаңаарқа ауданы «Тұрғын үй коммуналдық шаруашылығы, жолаушылар көлігі және автомобиль  жолдары» ММ-не қарасты «Жаңаарқа Жылу» КММ;
  • «Аудандық білім бөлімі» ММ;
  • «ҚТЖ – Жүк тасымалы» Акционерлік қоғамының филиалы – «Қарағанды ЖТ бөлімшесі» Жаңаарқа сатанциясы;
  • «ҚТЖ – Жүк тасымалы» Акционерлік қоғамының филиалы – «Қарағанды ЖТ бөлімшесі» Жаңаарқа локомотивті дэпосы ТЧЭ-15;
  • «ҚТЖ – Жүк тасымалы» Акционерлік қоғамының филиалы – «Қарағанды ЖТ бөлімшесі» Жаңаарқа байланыс станциясы:
  • «Самға-2050» ЖШС;
  • «Зергер СБ» ЖШС лоеомотивті жөндеу дэпосы.

 ЖИГК Жаңаарқа ауданы Атасу кентіндегі бөлімшесінде оқу-әдістемелік жұмысты жақсарту бойынша келесідей жұмыстар атқарылмақ:

– ҚР БжҒМ 22.01.2016ж. №72 бұйрығына сай құрастырылып, бекітілген мамандықтар бойынша жұмыс оқу жоспарлары негізінде пәндердің Жұмыс оқу бағдарламалары, күнтізбелік-тақырыптық жоспарларын құрастыруды, әзірлеуді және жаңа оқу жылының шарттарына байланысты өзектендіруді жалғастыру – тұрақты;

– ҚР БжҒМ 31.10.2017ж. №553 бұйрығына сай техникалық мамандықтар бойынша «Кәсіпқор Холдинг» КеАҚ әзірленген модульдік-құзыреттілік тәсілдеме бойынша өзектендірілген үлгілік оқу жоспарлары мен білім беру бағдарламалары бойынша жалпы білім беру пәндері, базалық және кәсіптік модульдердің оқу-әдістемелік құжаттамасын (Модульдің жұмыс оқу бағдарламасын, келешекті-тақырыптық жоспарын) әзірлеу.

Аталған бағытта 19.09.2018ж. Директордың орынбасары, әдіскер Д.Е.Тулеубаевпен «Модульдік-құзыреттілік тәсілдеме бойынша жұмыс оқу бағдарламалары мен келешектік-тақырыптық жоспарларды әзірлеу» тақырыбында семинар өткізілді.

Модульдік-құзыреттілік тәсілдеме бойынша оқытушылар құжаттамасының тиісті деңгейде жасалуы бойынша әдістемелік көмек және дамыту сипатындағы жұмыс әр аптаның сәрсенбі күндері әдістемелік кабинетте жүргізіледі.

Техникалық және кәсіптік білім беру жүйесіндегі өзге де білім беру ұйымдарымен интеграциялық қызмет әрі қарай жалғасын табуда. ТКБ жүйесіндегі жаңа оқыту технологияларын ендіру бойынша бірлесіп жұмыс жасау Облыстық әдістемелік бірлестіктер мен Қарағанды облысы бойынша Білім беруді дамытудың оқу-әдістемелік орталығымен тығыз жұмыстар жасалып, нәтижесі көрінуде.

Өзектендірілген үлгілік оқу және білім беру бағдарламалары негізінде модульдердің оқу–әдістемелік құжаттарын құрастыруда әлеуметтік серіктестерді тарту қолға алынып, жыл бойында шаралар кешені жүргізілмек.

 

ЖИГК Жаңаарқа ауданы Атасу кентіндегі бөлімшесі

Қараша (2019)
Дс Сс Сә Бс Жм Сб Жс
« Шіл    
 123
45678910
11121314151617
18192021222324
252627282930